ويؤكد ( شريط الفيديو الذى اذيع ) أنه كان متفوقا فى الثانوية العامة خاصه فى مواد ال العلوم. (sciences والرياضيات.
كتب فتحي السايح
وكان خلال السنه الأولى والثانية فى مادة اللغة العربية مقرر فيها الشعر الجاهلى وكانت من الصعوبة ان يحفظها على عكس المواد الاخرى التى يحصل فيها على الدرجات النهائية وفى السنة النهائية من الثانوية حصل على مجموع كبير ولكنه فضل الدخول كليه التجارة على الرغم كان مجموعة اعلى من منها وفى السنة النهائية في تجارة القاهرة حصل على امتياز فى مادة الرياضيات
جاء ذلك خلال حديث هشام عز العرب الرئيس التنفيذي والعضو المنتدب للبنك التجاري الدولي CIB، الذى كشف لأول مرة تفاصيل خروجه من البنك سنة 2020، بعد أزمة مع البنك المركزي.
عز العرب وصف القرار وقتها إنه كان “صعب وسهل” في نفس الوقت.
صعب لأنه كان بيتكلم عن مؤسسة قضى سنين طويلة في بنائها وتطويرها، وسهل لأنه كان شايف إن أي تمسك بالمنصب لو هيضر البنك أو يسبب أزمة للمؤسسة، يبقى لازم يمشي.
وقال إنه دخل وقتها لاجتماع مجلس الإدارة وطلب منهم اختيار رئيس جديد للبنك، وبعدها قدم استقالته بشكل رسمي.
وخلال الحوار، تسأل هشام عز العرب عن حقيقة عرض منصب محافظ البنك المركزي عليه، ورد بصراحة شديدة وقال إن المنصب اتعرض عليه فعلًا، لكنه رفض.
والسبب؟ إنه شايف إن محافظ البنك المركزي مش محتاج خبرة اقتصادية وبنكية بس، لكنه محتاج كمان “كياسة سياسية” وقدرة على إدارة العلاقات والرسائل والتوازنات بشكل دقيق جدًا.
وقال جملة لفتت انتباه ناس كتير لما وصف نفسه إنه “ورشجي أكتر من سياسي”، وإن صراحته المباشرة ممكن تسبب مشاكل في المناصب اللي بتحتاج حسابات سياسية معقدة.
عز العرب اتكلم كمان عن الاقتصاد المصري، وقال إن أزمات التضخم وسعر الدولار ماينفعش نبص لها بشكل منفصل عن عجز الموازنة وزيادة المعروض النقدي.
وأكد إن السؤال الحقيقي مش “الدولار بكام؟”، لكن الأهم هل السوق شغالة بشكل طبيعي؟ وهل البنوك قادرة تفتح اعتمادات وتوفر العملة وتسهل حركة الاستيراد والتصدير؟
وأشار إن تثبيت سعر العملة مش دايمًا حل ناجح، لأن الدول اللي بتربط عملتها بالدولار بتكون مرتبطة بشكل كبير بسياسات الفيدرالي الأمريكي.
أما عن ملف الديون، فطالب بضرورة وجود قرارات حاسمة تربط أي اقتراض خارجي بقدرة الدولة على تحقيق دخل بالعملة الأجنبية، مش مجرد الاعتماد على الناتج المحلي
